De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 461,070a Auteur: Anonyme Genre: Dos coblas Numero: CLXI

Quor qu’om trobes Florentis orgulhos

I	1	Quor qu’om trobes Florentis orgulhos,
		Er los trob’om cortes et avinens,
		De gen parlar e de plazens respos;
		Ben ajal reys Matfre quel noiremens
	5	Lor a fait dar et aver dol e lanha,
		Quel cap en son remas mains en despuelh;
		Ai, Florentis, mortz etz per vostr’erguelh,
		Qu’erguels non es si non obra d’aranha!
II		Oi, rei Matfre, vos es tan poderos
	10	Qu’ieu tenc per fol selh qu’ab vos pren contens,
		Qu’ieu vey que sol un dels vostres baros
		Als Florentis destruitz els fai dolens!
		Si qu’ieu non cre qu’en plan ni en montanha
		Trobes hueimais quius sia de mal acuelh;
	15	Ni no conselh a cels del Canpiduelh
		Qu’encontral Rey passon tost en Campagna.