De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 290,001a Auteur: Luquet Gatelus Genre: Sirventes Numero: CLXII

D’un sirventes m’es granz volontatz preza 

I	1	D’un sirventes m’es granz volontatz preza
		Q’ieu trameta al pro Rei dels Poiles;
		E, si tot s’es en sobreira richeza,
		S’eu lo conseil, noil desplaza nil pes;
	5	Qe de fol apren hom tot dia
		Sen, e qi ben enten ben tria;
		Per q’ieu li prec q’entenda mo saber,
		Pois l’apregna ol met’a non chaler.
II		Can reis desten son cor en gran empreza,
	10	Contendr’em pauc non l’es honors ni bes,
		Qel pauc contrast adutz pro vetz defeza
		Mais qe l’assais, e pois val pauc conqes;
		E, sil Reis vol la Vicaria
		De l’Emperi, ni la Baillia,
	15	No l’entenda senz esfortz conqerer;
		Ni cor a tal q’a tant agral poder!
III		Non dic ieu ges, pos aura Poilla preza
		Qom qe si a, qe la demeta ges;
		Qel demetres li saria flacheza,
	20	Don l’enemic creisseran per un tres,
		El cors dels amics mermaria;
		Mas ieu dic q’al primier deuria
		Totz reis triar so q’empren, e vezer
		C’aizo q’enpren l’aven pois mantener.
IV	25	Donc, derenan mostr’al mon auteza
		D’autra guiza, s’aver la vol manes;
		E non ublit perdon per null’ofeza,
		Pos mercejan en son poder er qes;
		E qi qeil voila segnioria
	30	Portar, eu obr’e en paria,
		Prenda la votz e non cobeit aver
		Lo sobreplus, q’en breu faillon lezer.
V		E gart se ben en cui se fi ni creza,
		Car en aizo granz partz dels seus faitz es;
	35	E non se fi en chascuna promeza
		Ni tot son vol non dig’en totas res;
		Mas en son cor port tota via
		La balanza, e qe qe sia
		Pez e balanz: los digz els faitz en ver;
	40	El miels prendre non perda per voler.
VI		Tant al Reis cor qe noil plairia
		Hom senz cor en sa compagnia,
		Segn’En Sordel; per q’eu non l’aus vezer,
		Qe mon cor a tals don nol pois mover.