Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Traductions
* Images

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 101,007 Auteur: Bonifaci Calvo Genre: Sirventes Numero: CLXV

Ges no m’es greu s’eu non sui ren prezatz 

I 1
Ges no m’es greu s’eu non sui ren prezatz 
   
Ni car tengut entr’esta, gen savaja 
   
Genoesa, nim platz ges s’amistatz, 
    Car no i cab om a cui proeza plaja; 
  5
Mas, ab tot zo, mi peza fort qu’il es 
   
Desacordanz, car, s’il esser volgues 
   
En bon acort, sos granz poders leumen 
    Sobraria totz cels per cui mal pren.
     
II   Hai, Genoes! On es l’autz pretz honratz 
  10
Qu’aver soletz sobrel gen? Que par qu’aja 
   
Totz vostres faitz decazutz e sobratz 
   
Tan fort, que totz vostr’amics s’en esmaja. 
   
Sial desconortz, qu’entre vos es, jos mes, 
    E donatz vos luecs a tornar los fres
  15
En las bochas de cels que, per conten 
    Qu’avetz mest vos, si van desconoissen.
     
III  
Mas lo contenz es tan mest vos pojatz 
   
Que, s’el non chai, greu er que nous dechaja; 
    Qu’om vos guerreja, e vos vos guerrejatz;
  20
E qui vos venz ar nos cug quel n’eschaja 
   
Laus ni bon pretz, car nous platz vostre bes, 
   
Que l’us a gaug quant a l’autr’es mal pres; 
   
Doncs, qui venz tan descabdelada gen 
    Non fai esfortz don pueg em pretz valen.
     
IV 25
E, si no fos la follors el peccatz 
   
Que nais del vostre descort, tals s’asaja 
   
Leumen far zo que mais vos desplatz 
   
Queus for’aclis; car res tant non esglaja 
    Vostres guerrers, ni tant lor desplai ges,
  30
Con farial vostr’acortz, s’el pogues 
   
Entre vos tant durar enteiramen 
    Que poguessetz d’els penre venjamen. 
     
V  
Car il sabon que leger nous donatz 
    De vos venjar, mostron que lur desplaja
  35
Zo que pro vetz los avetz malmenatz 
   
Tant, que greu es luecs on hom nol retraja 
   
Que trenta d’els non esperavon tres 
   
De vos; per c’ab pauc non es Dieus repres  
    Car de tal guiza vos a tout lo sen
  40 Queus sobron cil que no valon nien. 
     
VI  
Venecian, ben sapchatz qu’obs vos es 
   
Que si’ab vos Dieus contrals Genoes;  
   
Car, ab tot zo qu’el vos hi val granmen, 
    Vos an il tout tant qu’en vivetz dolen.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI