De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 461,126 Auteur: Anonyme Genre: Cobla Numero: CLXXXVI

Ges al meu grat non sui joglar

I	1	Ges al meu grat non sui joglar
		Anz per efforz de mala gens
		Qe m’an tolgut joi e argens;
		Per qem conve tal mester far;
	5	Donc, sil qi ben sa la vertat
		Assaz miels mi douria far
		E de l’onrar e del donar
		Qe sil cui non sui acontat;
		E Dieu l’auria mais a grat
	10	* * * * * * * * * * * * * * *
II		Per zo nom voil desconortar,
		Car gran ren ai de compagnos
		A cui es faiz de grans honors
		Qan om li cuida meritar,
	15	Segon q’ieu cuit e chascunz sapza,
		Anz qe lo segle se desfacza;
		Doncs, qi blasma autrui malamenz
		De si deu esser conoissenz
		De zo q’om li pod reprozar.
III	20	Va, cobla; al Juge de Galur
		Mand qe jur e non perjur,
		Qe d’al ren nel sai enpazar,
		Per qe fa ben qem vol donar.