De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Code: 082,002 Auteur: Bertran Carbonel Genre: Canso Numero: CLXXXIX

Aissi com sel c’atrob’ en son labor

I	1	Aissi com sel c’atrob’ en son labor
		Una guarra, don se cre sertamen
		Sia plena d’aur tro que la vai hubren,
		Et, uberta, non a nulha valor
	5	So que dins es; enaissi, ses doptansa,
		Per vos, dona, me donav’alegransa,
		Que ieu crezey vos trobar ses engan;
		Mas aras vey qu’el vay sobreversan;
		Don ai gran dol, aissi com alegrier
	10	Don aic per vos, can vos vi de premier . . .
VII		Chanso, vay t’en lay on renh’alegransa,
		E lay on a deslialtatz balansa,
		E lay on om gent acuelh ses engan,
		Al pros Comte d’Evellin, dir aitan:
	15	Quel sieus Bertrans l’a trobat drechurier;
		Per qu’el s’es dat al sieu fin pretz entier.