Parducci, Amos. Miscellanea di letteratura del Medio Evo. IV. Granet, trovatore provenzale. Roma: Presso la Società, 1929

Code: 189,002 Auteur: Granet Genre: Tenso Numero: V

De vos mi rancur, compaire

I	1	De vos mi rancur, compaire
		Em Bertram, qe non faiz be;
		qe·us ai servit ses cor vaire,
		e nuls profaiz no me·n ve.
	5	E si no·m volez ben faire,
		eu dirai de vos tal re
		qe·us enoiera·n, so cre:
		car sai trop de vostr' afaire.
II		Granez, pos volez retraire
	10	de me so qe vos cove,
		eu pugnerai en deffaire
		cho qe vos si sabes be.
		Arloz es, ples de put aire,
		q’eu te levei de nonre.
	15	Don degras partir ab me
		so qe dels altres pos traire.
III		Seigner, per qe·us celeria?
		Flacs es e·n cubitat gran.
		E·ls mals aibs q'apres avia
	20	so sabez c'ab vos estan.
		Cant no·m tengron pro nul dia
		ni·m feron mas anta e dan
		e iocs no·n nais mais affan,
		mon gazaing per qe·us partria?
IV	25	Desconoscenza e follia
		Granez, me dis en chantau,
		e sabes qe anc nul dia
		non te forfis, mas sel an
		q'eu te misen iuglaria
	30	c'anavas als pes trotan.
		E qar mon dreg te deman,
		ar me dis tu villania.
V		Vostra razos no·m par bona
		seigner, q'en manz locs divers
	35	laus vostra flancha persona,
		e qerez mi mais enquers:
		part de tot qant c'om mi dona.
		Ainz volgra fosses Granes,
		car sol los diz m'en sunt fers.
	40	Mal aia qi·m n'arazona!
VI		Granez, chascus m'ocaissona,
		car anc n'en pren lo ters.
		E no·m cal c' om vos dispona
		car ben entendez mos vers.