Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Traductions

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Code: 167,030b=178,001 Auteur: Gaucelm Faidit Genre: Partimen Numero: 47

Jauseume, quel vos est semblan

I 1
— Jauseume, quel vos est semblan
   
que l’om or doi mieus mantenir :
   
cant tant a conquis fins amant
   
q’il l’en est venuz au jezir,
  5
e sa dame l’onore tant
   
qu’elle met sor lui le choizir
   
d’un dous fer’ e penre em beizant,
   
al comenser, o al partir…
   
Sens plus, dites vostre talant,
  10
Le quel penriez vos avant,
    al conje o a l’avenir ?
     
II  
— Senher Coms de Bretagn’, afan
   
no m’en chal aver, ni consir,
   
del penre, car ben es trian
  15
cal val mais — qu’eu dic sens mentir
   
qe-l primers far es ses enjan,
   
et en l’autre pot om faillir ;
   
e, si-l drutz vai son joi tarzan,
   
pos sa domna l’en vol aizir,
  20
no-m par n’aja volontat gran —
   
fols es, e null sen no-i deman,
    e deu s’en a dreich repentir.
     
III  
— Certes, Jauseume, ce m’est vis,
   
vencuz serez de la tenson !
  25
Quant hom est bien d’amor espris,
   
et lor, poet venir a laron
   
beizier a sa dame le vis,
   
les ieus, la boche et le menton,
   
don trop le tendroi por estris
  30
si le menbroit si d’amor non !
   
Vos ne fustes onqes amis,
    que le plus mar vos avez pris,
   
q’au conje vaut mieus le bel don.
     
IV  
— Senher, er partit e devis
  35
d’amic com es et er e fon ;
   
que, pos sa domna joi l’aizis,
   
no-l deu metr’ en atendeson ;
   
e, si tot m’avetz fort requis,
   
si sai eu la meillor razon,
  40
c’adoncs a om son joi conquis,
   
e no-i pot aver faillizon
   
qant pren so que plus l’abellis ;
   
e pueis lo baizar e-l douz ris
    son, apres lo faire, plus bon.
     
V 45
— Jauseume, onques fin’ amor
   
ne vos ot jor en son poeir !
   
Choizi avez le sordeior,
   
tut s’en poent aperceveir —
   
Mout es de gran joie segnor
  50
qui au counje feit son voleir,
   
et pois s’en vet contre le jor,
   
que non i poet plus remaneir…
   
Por ce di je que le meillor
   
a cill qui sa joie gregnor
  55 puet au dous partir receveir.
     
VI  
— Senher, anc a fin amador
   
ni a fin drut non vi aver
   
al partir de sidonz doussor,
   
si tot lo vos aug mantener ;
  60
mas vos e l’autre enganador,
   
cuant avetz pres vostre plazer,
   
tenetz mout a doussa sabor
   
lo comjat — Per qu’ieu, del jazer,
   
dic que drutz deu son joi major,
  65
penre al comensar, sens paor,
    e puois lo baizar e-l tener.
     
VII  
— Jauseume, vos dites folor,
   
que ma razuns, per droit d’amor,
    deit plus que la vostre valeir.
     
VIII 70
— Senher Coms, jes non ai paor,
   
que nuls om que sapcha d’amor
    aus vostra razon mantener.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI