Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Traductions
* Images

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Code: 112,002 Auteur: Cercamon Genre: Canso Numero: 72

Ges per lo freg tems no m’irais

I 1
Ges per lo freg tems no m’irais, 
    anz l’am tan com fauc la calor, 
    c’atressi puesc aver d’amor 
    en ivern bon’ escharida 
  5 com lanquan verdejon li plais — 
    e n’aten bon’ eschauzida,
    pos lieis plai que mos digz acueill, 
    que per autra mais no s’esjau 
    mos cors, ni a benanansa.
     
II 10
Cuidatz vos doncx qu’ieu sia gais 
    per fueilla, si-s par, ni per flor, 
    ni plus iratz si-l fregz ventz cor ? 
    ni quan vei gent acropida, 
    que amon tan com dura Mais, 
  15 e-n faun us jorns esbruida, 
    puois deschazon quan chai lo fueill ? 
    E-ill fin remanon, e-ill vassau 
    cui fin’ amistatz enansa.
     
III  
Pero pro n’i a de savais !
  20 — qu’anc hom segle no-n vi meillor 
    si tot s’en fan maint blasmador — 
    e cel que bon pretz oblida
    sembla-m fols, que l’autrui abais ;
    et es razos deschauzida
  25 qu’om veia-l pel en l’altrui ueill,
    et el sieu no conois lo trau,
    per la foudat que-l sobransa
     
IV  
Ges aquela foudatz no-m pais,
    anz n’am mais lo pro que l’honor,
  30 e-l celar que-l saber plusor,
    que fols es qui jangl’e crida
    de damna, ni s’en fenh trop gais ;
    e tenc l’onor per delida ;
    e mou de foli’e d’orgueill
  35 aicel q’en vol blasme ni lau,
    ni bruich de fol qui-s bobansa !
     
V  
Tant es mos jois fis e verais
    e granz, q’anc hom no l’ac major,
    que de damnas am la gensor,
  40 que m’es tant fort abelida —
    e s’ill vol, si m’am o s’en lais,
    ieu l’amarai, a ma vida ;
    s’ill nonca se vol, eu m’o vueill
    que d’aitan puesc tenir la clau
  45 se plus non ai d’aondansa.
     
VI  
Tot jorn perpren e-m creis e-m n’ais
    us rams de joi plens de doussor
    que m’a partit d’ir’ e de plor,
    e-m chapdela si e-m guida,
  50 q’en als no-m sojorn ni engrais
    ni ai m’amor establida ; 
    e qui q’en parle ni-n janglueill,
    us no sap via ni esclau,
    ni on mos cors plus balansa.
     
VII 55
Bella domna, no-us si’ esmais,
    car no ve de, vostr’ amador ;
    qu’ieu sui chai, ses cor trichador,
    que ja non farai faillida
    vers vos, on qu’ieu m’an ni m’apais,
  60 qu’autr’ amors m’es avelida ;
    e sui totz vostres, si com sueill,
    e, si no vos vei ni no-us au
    ades n’ai al cor membransa !

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI