Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Appareil critique
* Notes

Wolf, George; Rosenstein, Roy. The Poetry of Cercamon and Jaufre Rudel. New York & London: Garland Publishing, Inc, 1983

[CdT en procés d'incorporació]

Code: 112,001c Auteur: Cercamon Genre: Canso Numero: 6

Assatz es ora oimai q’eu chant

I 1 Assatz es ora oimai q’eu chant
    tant ai estat acondurmitz
    c’anc mos chanz non fon lueing auzitz;
    mas era·m vau ja reveilhant,
  5 et irei mon joi recobran
    contre l’ivern e·l freig aurei.
     
II   De joi no·m cal [fugir] enan,
    c’anc un sol jorn no·n fui garnitz;
    et es m’al cor prion sorzitz,
  10 si q’entre gens vau sospiran
    lo dezirier c’ai d’amor gran;
    ni dorm ni veil, ni aug ni vei.
     
III   S’anc per amor anei veilhan,
    ni·n fui anc fols ni trassailitz,
  15 ni cambïatz per chamjaritz,
    era·n lau Dieu e Saint Joan,
    c’ab tal amor vau amoran
    c’anc non chamjec per autre mei.
     
IV   Cesta non cug qe ja m’ [engan],
  20 s’ieu ja de leis no soi garnitz;
    ni no·n soi tant afolatitz
    qe ja re·il qeira ni·l deman,
    petit ni pro, ni tan ni qant,
    ni mal ni be, ni re ni qei.
     
V 25 Tant la sei coinda e prezan,
    e·l faigz de leis es tant eslitz,
    qe sai me tenc per enreqitz,
    e lai [serai en] son coman
    la nueg e·l jorn e·l mes e l’an,
  30 c’aissi soi sieus con esser dei.
     
VI   Plas es lo vers, vauc l’afinan
    ses mot vila, fals, apostitz;
    et es totz enaissi noiritz
    c’ap motz politz lo vau uzan;
  35 e tot ades va·s meilluran
    s’es qi be·l chant ni be·l desplei.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI