Stronski, Stanislaw. Le troubadour Folquet de Marseille. Genève: Slatkine Reprints, 1968

[CdT en procés d'incorporació]

Code: 155,004 Auteur: Folquet de Marseilla Genre: Canso Numero: XXII

A vos, midontç, voill rettrair’ en cantan

I	1	A vos, midontç, voill rettrair’ en cantan
		cosi·m destreign Amors e men’a fre
		vas l’arguogll gran, e no·m aguda re,
		qe·m mostras on plu merce vos deman,
	5	mas tan mi son li consir e l’afan
		que viu quant muer per amor finamen.
		Donc muer e viu ? Non, mas mos cors cocios
		mor e reviu de cosir amoros
		a vos, dompna, c’ieu am tan coralmen ;
	10	sufretç ab gioi sa vid’ al mort cuisen,
		per qe mal vi la gran beutat de vos.
II		Parer non pot per dig ni per semblan
		lo bens ce vos vogll ab . . . . . . . fe
		mas niens es so ce vos dic : si·m te
	15	al cor us fiocs que no·s . . . . . . . . . .
		Per cals raisons no·m ausi consuman ?
		Savi dion e·l autor veramen
		qe longincs us, segon drec e raisos
		si convertis e natura, don vos
	20	deves saber car eu n’ai eissamen
		per longinc us en fioc d’amor plaisen
		. . . . . . . . . . . . . . . . . . . . . . . . . .