Kolsen, Adolf. Trobadorgedichte: Dreissig Stücke altprovenzalischer Lyrik. Halle: Max Niemeyer Verlag, 1925

[CdT en procés d'incorporació]

Code: 095,002 Auteur: Lo Vesques de Clarmon Genre: Sirventes Numero: 6

Peire de Maensac, ges lo reis no seria

I	1	Peire de Maensac, ges lo reis no seria
		Tan savis com hom di, s'el el sout retenia
		Cavaliers cui lor cors trai mais a joglaria
		Q'a valor ni a sen ni a cavalaria,
	5	E s'anc jorn vos i tenc, fetz o per cortezia
		E per amor de Deu, qar vit c'ops vos avia.
II		Ops vos avia be et enquer s'i auria
		Major qe anc non ac ; q'anc jorn per la bailia
		De chatz no·n meillurez, anz en sez huoi el dia
	10	Plus paubres q'anc no foz, per qe cre qe seria
		Tant de terra perdut qant bom vos laissaria,
		E·l coms sabi'o be, per qe la vos tenia.
III		Tener la teni'el ; qe ges no s'en tolia,
		Ans l'en dava mais l'an qe il terra non valia,
	15	Tant q'adonc era gais e chantav'e riia
		E fazia chansos enaissi com sabia.
		Er no ditz mas enois lai o no tangeria
		E sembla qi los ditz qe·ls fezes, si podia.
		Se·l poders er'aitals com lo talans seria,
	20	Tuit serian perdut ; car hom aitals volria
		Qe tuit semblassen lui, e qi li semblaria,
		Semblaria cogul, qe ja non issiria
		Del ni mas un mes l'an, qe adoncs chantaria,
		E qi l'ira veder, el ni el s'escondria.
V	25	Escondre be·s deu el, qan dis qe·l rei seguia;
		Q'el no·l sec ni no·l pot, s'a pe non o fazia,
		E qi caval no a, mentres qe guerra sia,
		No·m sembla ges n'agues, qan guerra no seria
		E cavaliers de pe, qi mal ditz ni feonia,
	30	No deu estar en sout, se tromba non avia.
		No sai qan nesci son qui·m foliant tot dia ;
		Mas se·l bos reis Phelips no s'en entrametia,
		Tais chanta er de mi q'adonc en ploraria.