Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Témoignage
* Appareil critique
* Notes
* Traductions

Kolsen, Adolf. Trobadorgedichte: Dreissig Stücke altprovenzalischer Lyrik. Halle: Max Niemeyer Verlag, 1925

[CdT en procés d'incorporació]

Code: 167,017 Auteur: Gaucelm Faidit Genre: Canso Numero: 9

Cora qe·m des benanansa

I 1      Cora qe·m des benanansa
         Amors, de q'eu fos jauzire,
         Ara·m ten sa trencan lansa
         Al cor de qe·m vol aucire ;
  5 Mas tant m'auci ab dolz martire
    Qe·il perdon ma mort franchamen.
    Bella dompn'ab cor gai plazen,
    Per vos plaing e per vos sospire
    E ren mas ma mort no n'aten ;
  10 Pero si cum vos platz, m'es gen.
     
II        Mout fui de foll'acordansa
         E plus fui de fol cossire
         Lo jorn q'en aital balansa
         Volgui mon fin cor assire
  15 E puois fui de pejor albire,
    Car anc me venc en pessamen
    Q'ie·us auses dir ni far parven,
    Dompna, so q'ieu degr'escondire ;
    Mas er, qan non puosc, m'en repen ;
  20 Qe tot o ai faich follamen.
     
III        Grand ardit e grand doptansa
         Agui, qan vos anei dire
         Mon cor ab humil semblansa,
         Don fui ploran descobrire.
  25 Per merce·us clam q'en dan no·m vire,
    S'ieu ai faich vas vos faillimen
    Per outracujat ardimen,
    E no·n moira, car vos desire.
    Vostr'om sui e vostre mi ren ;
  30 Aissi cum vos voillatz, o pren.
     
IV        Si be·m muor, mal ni pesansa
         No·n puosc aver, qan remire
         La vostra bella semblansa
         E·l doutz esgart e·l gen rire
  35 E totz los bes, c'om pot eslire,
    Beutat e gaiez'e joven,
    Honor e pretz, valor e sen ;
    Res mas merces no n'es a dire,
    Dompna ; c'ab merce solamen
  40 I seriau complidamen.
     
V        Car cel Andrieus, c'om romansa,
         Non trais anc tant greu martire
         Per la reina de Fransa
         Cum ieu per vos, cui desire ;
  45 Mas tant aut'etz, per qe m'albire
    Que ja no m'aura chausimen,
    S'Amors vas mi no la dissen.
    E si Merces s'i vol assire,
    Anc vos ni miei autre paren
  50 Non ametz Dieu tant finamen!
     
VI   Na Maria, tant vei plazen
    Tot so q'a vos platz far e dire,
    Per qe·us son tuich obedien,
    Li cortes e·il bon e·il valen.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI