Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Témoignage
* Appareil critique
* Notes
* Traductions

Branciforti, F.. Le rime di Bonifacio Calvo. Catania: Università di Catania. Biblioteca della Facoltà di Lettere e Filosofia, 1955

[CdT en procés d'incorporació]

Code: 101,011 Auteur: Bonifaci Calvo Genre: Sirventes Numero: XIII

Qui ha talen de donar

I 1 Qui ha talen de donar
    tal don, que sia lauzatz
    entre·ls savis, deu pensar
    tres chauzas, ben o sapchatz:
  5 cals es el eis taing que·s pes,
    e cals cel que·l don deu penre
    e cals lo dos; qu'estiers res
    no·l pot de blasme deffendre.
     
II   Qu'om don tan gran non deu dar
  10 que·n sia trop fort grevatz,
    ni tant pauc qu'a soanar
    lo taingna cel cui er datz;
    ni dons avinenz non es,
    s'om lo·n poiria reprendre
  15 o chauzir qu'el non saubes
    zo que·s taing a far entendre.
     
III   E quant hom per si honrar
    da·l sieu e n'es desonratz,
    no·s pot maiorment desfar,
  20 qu'avers e l'honors prezatz
    val mais que nuls autre bes:
    doncs qui·ls pert, non pot contendre
    que d'autra guiza pogues
    tan bas sa valor descendre.
     
IV 25 Per que requerr'e pregar
    lo rei castellan mi platz,
    qu'el deia mos chanz menbrar
    e non crei'uns sieus privatz,
    car il an tal us apres
  30 e tal art, zo·il voil aprendre,
    que quecs, per pauc qu'el n'agues,
    son pretz volri'escoiscendre.
     
V   Tant mi fai ma dompn'amar
    Amors, que·n sui fols iutgatz,
  35 que, can deuria poingnar
    el rei deservir, li fatz
    plazer; e non me·n tueil ges,
    car sai qu'il me·n degra rendre
    bon guierdon, si·l plagues
  40 a dreg sa merce despendre.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI