Linskill, Joseph. The Poems of The Troubadour Raimbaut de Vaqueiras. The Hague: Mouton & Co

Code: 392,029 Auteur: Raimbaut de Vaqueiras Genre: Partimen Numero: XXI

Partimen

I	1	Seigner Coine, jois e pretz et amors
		vos comandon que juzaz un lor plai
		d’une dompna q’a dos entendedors,
		qe fan per lei tot qant a pretz l’eschai,
	5	e son andui d’un prez e d’un parage;
		e l’uns li ditz s’amor e son corage,
		l’autre tem tant que no·ill lo ausa dir:
		gardaz qal deu meilz a merce venir.
II		Certes, Raimbaut, lo taiser es folors:
	10	se ge ne qer merce, per qe l’aurai?
		Pos qe ma dame aura totas valors,
		ja de merci no mes desperarai.
		Qerre merci non es ges poing d’oltrage,
		que Judas fa perduz per son folage,
	15	qui de proier no s’ausa enardir;
		mainz pechadors fai desespers morir.
III		Seigner Coine, danz l’es e deshonors
		a cel que qer lo don, pois li estrai,
		e sobre toz amadors l’es paors
	20	q’om li die: “Ja no m’en parlez mai!”
		E l’autr’ amans tem dir lo seu dampnage,
		car cel que tem sap d’amor son usage:
		si no l’enqer, enqerren la·l sospir;
		lo ben q’eu qer faz ma domna·m merir.
IV	25	Certes, Raimbaut, cum q’en faza aillors,
		ja ma domna mon mal non celarai,
		car hom pot trop tart qerir lo secors,
		e que me val socors pas mort serai?
		Fols es qui cel’ al mege son malage,
	30	qe·l n’es plus greus e plus greu ensoage;
		anz lo dei hom si per tems descobrir,
		si sa dame vol, puosc’ ades garir.
V		Seigner Coene, d’esparvers e d’austors
		vuoill qe·m mostrez, qe d’amor eu me sai;
	35	que cel que qer no se fid’ en lauzors
		ni en sa dame ni el ben que·il fai,
		qe·l querre fai de joi privat salvage.