Linskill, Joseph. The Poems of The Troubadour Raimbaut de Vaqueiras. The Hague: Mouton & Co

Code: 392,031 Auteur: Raimbaut de Vaqueiras Genre: Cobla (et réponse) Numero: XXVII

Coblas

I	1	Tuich me pregon, Engles, qe vas don saut
		del fol anar don es en fol venguz,
		don toz autr’ om fora decaseguz;
		mas vos es tant de ric corage et haut
	5	qe la foudat, don nulz hom no·us razona,
		sabes cobrir, e si fosson Frances
		cil d’Estela, venjamen n’agraz pres,
		quar no·us donet lo reis, q’om n’ochaizona.
II		Be·m meraveill de vos, en Raimbaut,
	10	cum vas es tan endreich me irascuz,
		q’en breu serez per fol reconoguz
		plus q’en Peirols qe hom ten per arnaut.
		Anaz vos en al rei de Barsalona
		et als autres, si com avez enpres,
	15	qe mais amaz deniers e paubr’ arnes
		q’en Conoguz l’amor de na Falcona.
III		Engles, ben tost venguet n’Aimars l’assaut,
		qe·ill pescador si·us preiron con un luz.
		Non dic eu ges qe anc fosses batuz,
	20	si non fon colps que vengues de resaut;
		e no·n mier mal si·l reis no·us, det ni·os dona,
		ni car crezes lo sagel del borgues,
		lo prodome per qe n’avez comes:
		bons Dieus fora n’Aimars que tost perdona.