Anglade, Joseph. Les poésies de Peire Vidal. Paris: Librairie ancienne Honoré Champion, 1913

Code: 097,003 = 353,002 Auteur: Blacatz , Pelizier Genre: Échange de coblas Numero: XLVII

En Pelizier, cauzetz de tres lairos

I		BLACATZ
	1	En Pelizier, cauzetz de tres lairos,
		Loquals pres peitz per emblars menudiers :
		Que l'us perdet lo pe per dos capos
		E·l poing destre, e puois fo senestriers ;
	5	E·l segonz fo pendutz per dos diniers,
		Mas aqui ac un pauc trop de venjansa ;
		E·l terz fo orbs, quar emblet una lanza
		E la chapa del monge dels mostiers.
II		[Lo Peliziers respondet a En Blacatz en aquesta cobla.]
		Senher Blacatz, aisso lor es grans pros
	10	Que vos cuidatz lor sia destorbiers ;
		Qu'eu vi Durban, quant er' aitals com nos,
		Anar a pe, mas ar a dos destriers ;
		E·l pendutz es eissitz de consiriers,
		Que no sent frech, ni fam, ni malanansa ;
	15	Et en l'orb trob aitan de melhoransa,
		Que jamais sols non ira volontiers.