Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 009,006 Auteur: Aimeric de Belenoi Genre: Sirventes Numero: V

Anc puois qe giois ni cantç

I	1	Anc puois qe giois ni cantç
		ni donars ni servirs
		ni pretç ni gent garnirs
		ni amoros demans
	5	no·i troberon amicx,
		no fo lo segle ricx
		ni reinhet fis ni patç,
		doncs ben es grantç foudatç
		qui non ama totç . . . . . .
	10	. . . . . . . . . . . . . . . . . .
II		. . . . . faitç ben estans,
		gent mangiars ni vestirs
		onrars ni acuglirs
		. . . . . . . . . . . .
	15	. . . . . . . . . . .
		. . . . . . . . . . . . . .
		. . no fon pechatç,
		ni merces, so sapcias,
		res mas bon cor, qe del cor mou e nais
	20	lo faitç per ce es om bons e savais.
III		Cor es segnoreians
		sobre tutç los consirs,
		e vesers eausirs
		iuia·ls faitç els senblans,
	25	qe·ls gioues e·ls anticx
		ai cor francx e enicx
		de faitç e de semblans;
		q'enperis ne reinhatç
		non fan ome grasir, mas cors verais,
	30	si tot lo vist sa grantç beutatç ni·l pais.
IV		Als petitç es als grans
		es naisers e morirs
		e salvars e perirs
		comunals, per qu' enians
	35	me senbl'e grans fasticx
		c'om cobes flacs ni rix
		gia sia poestatç;
		c'a ricor fon donatç
		poders, qe fos dels clerges e dels lais
	40	capdels e guitç e qe pretç no·il fos fais.
V		Lai son umelians,
		e me fon lo venirs
		doutç, e greus lo partirs,
		en Castella, on lans
	45	mos avinentç presicx.
		non atanh a casticx,
		mas, car al franc rei platç
		bels dictç e faitç presatç:
		qe no cresa sermon don preç abais,
	50	mas grat, com fe sos avis, bos assaiç.