Bertoni, Giulio. I trovatori minori di Genova. Dresden: Gesellschaft für Romanische Literatur, 1903

Code: 371,003 Auteur: Perseval Doria Genre: Sirventes Numero: I

Felon cor ai et enic

I	1	Felon cor ai et enic
		car vei tric
		poiar e prez perdre abric,
		si qe a pauc de ioi nom gic;
	5	mas per dar mal e geuzic
		a cui non platz s'ai ioi ric
		cantarai; e mala vic
		qi no vol guerra e destric,
		per c'om conois ferm amic.
II	10	Pero bem platz qel temps francs
		fai los brancs
		dels arbres vermeils e blancs
		e am guerra qils estancs
		d'aver fai remaner manes,
	15	em platz quan vei sobrels bancs
		aur et argen, co fos fancs,
		per dar als pros ses cors rancs,
		c'an suffert colps sobrels flancs.
III		E am can vei l'estandart
	20	a sa part
		eil pro cavalier gaiart
		gardon c'us no s'en depart,
		eil vil recrezen coart
		van qeren eniein e art
	25	de fugir e an regart
		can volon lanzas e dart
		e la terra 'nviron art.
IV		Trompas, tambors e sonaill,
		cant hom saill
	30	als castels pres del morail,
		m'agradon e per tarraill
		venon peiras c'us no faill
		------
		cil pic son vengut eil maill
	35	ab qels pros, loin de nuaill,
		rompon portas ab trebaill.
V		Mas Engles si van vanan
		q'ill verran
		e l'Emperi enqerran.
	40	En Espagn'a pro d'afan,
		qe il Serrazi noil rendran
		per lur Granada ugan,
		qeil reis non fai nul deman,
		anz en pren mescap e dan,
	45	de q'om lo va fort blasman.
VI		Per o pretz fora perdutz,
		mas vertutz
		fai nostre reis, q'encar lutz
		Manfrei, q'es de fin pretz lutz,
	50	qe anc no fon recrezutz
		de donar, ni esperdutz
		per guerra, anz a vencutz
		sos guerriers et abatutz,
		e sos amics aut cregutz.
VII	55	Et eu mieil d'amor m'aferm
		ab cor ferm
		de pretz, per q'eu nom desferm
		d'amar leis, anz m'en referm
		e car non a cor enferm
	60	creis en ioi e d'esmai merrn.
		------
		------
		------
VIII		Domna, deu prec qeus referm
	65	vostre fin pretz cus aferm
		la gran beutat el cor ferm
		c'avetz vas me, qe nos merm.
IX		Reis Matfrei, pretz vos ten ferm
		e deus en a fag conferm.