Bertoni, Giulio. I trovatori minori di Genova. Dresden: Gesellschaft für Romanische Literatur, 1903

Code: 436,002=013,001 Auteur: Simon Doria , Albert Genre: Tenso Numero: VI

N'Albert chauçeç la cal mais vos plairia

I	1	N'Albert chauçeç la cal mais vos plairia
		endreit d'amor, puois tant forç n'es l'asais,
		vostra dompna vestida cascun dia
		e causada aver dins un palais,
	5	o'n una canbra, sol qe lum[s] no i sia,
		tuta nuda, si cous plairia mais,
		cascuna nuog tenir per drudaria
		dinç un ric lieç? Causir podes uoi mais,
		c'al mieu senblant ieu sai ben cal penria.
II	10	Amic Simon, ben vos dic ses bausia
		q'ieu am mil tans dompna tenir en pais
		cascun giorn e causada e vestia
		en una canbra en loc segur ses fais,
		c'aver sella in privat, qu'eu volria
	15	tuta nuda de nuoç qe no i fos rais,
		q'eu non volgra dompna aver in balia
		s'ieu non la vis, qui me dones Roais,
		per qe ieu dic qe als non iuiaria.
III		Amic Albert, mais am la nuoç escura
	20	tenir mi don[s] [ses lum] en aisit lioc
		qilh toc son pieç e sa mamela dura
		c'adunc conplis a mon talent lo ioc,
		so q'eu no posc, cant a sa vestidura,
		so sabes ben e sai qem dires oc!
	25	qe del sieu cors veser nom prent gran cura
		s'el giorn la vei vestid'e no la toc,
		per q'ieu dic ben, se ben gardas dritura.
IV		Maistre Simon, non causeç a mesura
		e ben mi par qe non sias al foc
	30	don solia[sj ia esser en grant cura,
		anz crei omai qe sias del sen coc,
		qe qant ieu vei la bela creatura
		ieu sui mager qel segner de Maroc.
		C'aisi pogra tocar laida pentura,
	35	s'eu no la vis qa[n] li serre nil broc;
		nol creias mais, q'il'es paraula iscura.
V		Bem meravigll, n'Albert, q'en tuta g[u]isa
		non autreas del plac so q'eu vos dic,
		qe qan ieu tenc mi dons sen[es] camisa,
	40	l'enperador non e[n]vei Frederic,
		q'eu sai q'ell'es [e] bla[nc]ha e frescha e lisa;
		donc cals obs m'es veder son gai cors ric
		don soi sertan qe vai l'onor di Pisa?
		per o beus [lais] la sudor el fastic
	45	vezer lo iorn, puois tant l'aves enquisa.
VI		Ben es, Simon, vostra valor conquisa,
		puois qe amor aves mes en oblic,
		qe de bordel par qeus sia tramisa,
		can sol ses lum l'avetç tot a mendic;
	50	mas, cant ieu vei mi do[ns] ab pena grisa
		lo mons mi par qe sia tut floric.
		Adonc sai [be] s'e[s] borges'o marqisa;
		per q'ieu vos prec, c'anc mais no vos
		nous plasa mais d'entrar in tal fantisa.