Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Bibliographie
* Témoignage
* Appareil critique
* Notes
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 063,003 Auteur: Bernart Marti Genre: Vers Numero: XII

Bel m'es, lau latz la fontana

I
1
Bel m'es, lau latz la fontana
   
erba vert e chant de rana,
   
com s'obrei
   
pel sablei
 
5
     tota nueit fors a l'aurei;
   
     e·l rossinhols mou son chant
   
     sotz la fueilla el vergant.
   
          sotz la flor m'agrada
              dous'amors privada.
     
II
10
Dona es vas drut trefana
   
de s'amor, pos tres n'a; pana
   
estra lei,
   
si son trei.
   
     mas ab son marit l'autrei
 
15
     un amic cortes prezant.
   
     e si plus n'i vai sercant,
              es desleialada
              puta privada.
     
III
 
Mas si·l drutz premers l'enguana
 
20
(enguans, si floris, non grana),
   
lai felnei
   
ses mercei,
   
     mas ben gart no s'en sordei.
   
     qui s'amigua vai trichant,
 
25
     trichatz deu anar muzant.
   
          amigu'a trichada,
              pueis: bada fols bada.
     
IV
 
Be·m det dieus bon'escarida
   
d'amor, si·m fos ben aizida.
 
30
lai manei
   
e dompnei,
   
     non es hom que meils estei.
   
     ges non ai mon cor voiant
   
     d'amor, quan m'en vauc prezant
 
35
          per na Dezirada,
              mas trop m'es lunhada.
     
V
 
Tant m'es grail'e grass'e plana
   
sotz la camiza ransana,
   
quan la vei,
 
40
fe que·us dei,
   
     ges no tenc envei'al rei
   
     ni a comte tan ni quant,
   
     c'asatz fauc meils mon talant,
   
          quan l'ai despoillada
 
45
          sotz cortin'obrada.
     
VI
 
Enautr'amistat propdana
   
m'amor mis, que·m fo dolsana; —
   
ans l'amnei
   
que·m sordei;
 
50
     mas la meiller no·m varei.
   
     l'esparviers ab bel semblant
   
     va del pueg ves leis volant,
   
          la longu'a trencada,
              pren lai sa volada.
     
VII
55
En breu m'es fils de lana
   
lo fortz fres, e la capsana,
   
qui que·s grei,
   
so·us autrei,
   
     . . . . . . . . . . al correi,
 
60
     c'aisi vauc entebrescant
   
     los motz e·l so afinant.
   
          lengua entrebescada
              es en la baisada.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI