Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 233,003 Auteur: Guillem de Saint Gregori Genre: Canso Numero: LXVIII

Nueyt e iorn ai dos mals senhors

I
1
Nueyt e iorn ai dos mals senhors
   
que·m fan tort, e no·m n'aus clamar
   
ni m'aus d'elhs partir ni lunhar;
   
aisso es ma dompna ez amors,
 
5
a cuy per aisso platz mos dans
   
quar lur servirs m'es cars e bos;
   
a quascun iorn mais per un dos
   
e sai qu'aquest forfagz es grans,
   
mas per lo rey Ormier de chans
 
10
fon faitz de maior tort perdos.
     
II
 
Si fos vius Berenguiers de Tors,
   
non saubra tan gent enchantar
   
cum silh que·m fai velhan somnhar,
   
quan pens de lieys, q'una doussors
 
15
me ven al cor, e si mil ans
   
durav' adoncx selha sazos,
   
no·m semblaria us breus iorns fos,
   
que·l sieu gen cors e·ls huelhs truans
   
vey e remir tot per semblans,
 
20
tro que me mou qualsqu'enujos.
     
III
 
E membre·l donc de mas clamors
   
mi dons, cuy suy ses tot falsar,
   
qu'oblit son pretz mens de laissar,
   
e membre·lh de mas grieus dolors,
 
25
qu'oblit son paratge qu'es grans,
   
e membre·l quo l'am a rescos,
   
et oblit sas gayas faissos,
   
e membre·l cum suy malanans,
   
et oblit totz sos braus talans,
 
30
e membre·l que·m fassa ioyos.
     
IV
 
E no·m fezes plus de socors
   
qu'ilh volgra qu'ieu li degues far,
   
s'illa·m volgues tam ben amar
   
quon yeu l'am, ni·l fos tan d'onors,
 
35
et yeu plus qu'ilh ves mj dos tans
   
fos vas lieys braus et ergulhos;
   
e fora mezura e razos, —
   
pueys saubra sos gays cors prezans
   
qual mal tray dezamatz amans —
 
40
pus non cre mj ni mas chansos;
     
V
 
Qu'ilh ri e chanta dels mieus plors
   
e pauza e dorm del mieu vellar,
   
et yeu·m tenc vil, ela·s ten car,
   
e mos treballis es li legors,
 
45
e li es soiorns mos afans,
   
et yeu prec l'ab digz amoros,
   
ela·s defen ab braus respos,
   
ylh s'orguelh, ye·l suy merceyans,
   
ylha·m destarza e yeu l'enans
 
50
som pretz en comtan et ab sos.
     
VI
 
Belha dompna cuend' e prezans,
   
valla·m merces, qu'anc fis amans
    non amet tant qu'amatz no fos.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI