Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 082,017 Auteur: Bertran Carbonel Genre: Sirventes Numero: XXXV

Vil sirventes de vil home vuelh far

I
1
     Vil sirventes de vil home vuelh far,
   
     de vil razo e de vils ditz vilmen,
   
     e tan vilmens non l'iray envilen
   
     que·l vils pus vils no sia, ses gabar;
 
5
car le vils vils a mes cavalayria
   
a vilas fatz et a vil vilania,
   
     per qu'ieu del vil ses vils faytz soy blasmans,
         car a viltat ha mes bos faitz prezans.
     
II
 
     Quais fos ben pros, lo malvays vay mandar
 
10
     ionchas als pros, don pueys malvaizamen
   
     ab malvays cor volpilh e recrezen
   
     malvestat fey lo malvat enserrar;
   
per qu'ieu prec dieu que·l malvays el maldia,
   
car malvays es e de malvaiza via,
 
15
     malvais en ditz et en faitz pus · X · tans,
         per que·l malvays n'er blasmatz totz sos ans.
     
III
 
     Ab ebriaic no.s deu hom contrastar,
   
     ni ab aquel ebriaic maiormen,
   
     car l'ebriaicx non a saber ni sen;
 
20
     per que·l pros prec lais l'ebriaic estar,
   
qui fon ramitz, qu'ebriaicx venseria,
   
que l'ebriaycx lo rami per folia;
   
     pres del vayssel l'ebriaycx es Rotlans,
         c' autr' ebriaicx no i fier colps pus pezans.
     
IV
25
     Co·l fols lo fol folamen foleyar
   
     lo fay foldatz, car le fols folamen
   
     com fol l'a fach pueys pus fol mandamen,
   
     don lo fols cre sas foldatz esfassar;
   
que·l fols com fols pus fols que sia,
 
30
es ben foldatz, e siec ben fola via. —
   
     fol'? oc fola, car torn'als sieus fols mans
         com fols aunitz totz autres fols sobrans.
     
V
 
     Sel que blasma so que·s fay a blasmar
   
     fay que cortes en aquel blasmamen,
 
35
     car blasmors fay esquivar falhimen;
   
     per qu'ieu blasmi per blasmor esquivar;
   
car si blasmors no fos, ia cortezia
   
non agra laus, per c'om blasmar deuria
   
     so de que ven blasmors e falha grans,
 
40
     per tal c'om fos de blasmor esquivans.
     
VI
 
Vil sirventes, car a fach vilania
   
e malvestat l'ebriaicx e folia,
   
     vay li dire que sa vida l'es dans
         e que mens val que blasmatz vieus ·M· tans.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI