Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 155,004 Auteur: Folquet de Marselha Genre: Canso (fragment de deux coblas) Numero: XLIII

A vos, midontç voill retrair en cantan

I	1	A vos, midontç voill retrair en cantan
		cosi·m destreign amors e men' a fre
		vas l'arguogll gran, e no·m aguda re,
		qe·m mostras, on plu merce vos deman;
	5	mas tan mi son li consir e l'afan
		que viu quant muer, per amor finamen.
		donc muer e viu? non, mas mos cors cocios
		mor e reviu de cosir amoros.
		a! vos, dompna, c'am tan coralmen,
	10	sufretç ab gioi sa vid' al mort cuisen,
		per qe mal vi la gran beutat de vos.
II		Parer non pot per dig ni per senblan
		lo bens ce vos vogll ab . . . . . . fe,
		mas niens es so ce vos dic, si·m te
	15	al cor us fiocs, que no·s . . . . . . . . . ;
		per cals raisons nom m'ausi consuman?
		savi dion e·il autor veramen
		qe longincs us, segon dreic et raisos,
		si convertis e natura, don vos
	20	deves saber car eu n'ai eissamen
		per longinc us en fioc d'amor plaisen
		. . . . . . . . . . . . . . . . . . . . . . .