Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 156,014 Auteur: Falquet de Romans Genre: Canso-sirventes Numero: XLVI

Una chanso sirventes

I
1
     Una chanso sirventes
   
     a ma dona trametray,
   
     qu'anc pueys d'alre non pensai,
   
     pus parti de Vianes,
 
5
mas de sa beutat complia;
   
qu'ades mi soven del dia
   
     qu'ella·m dis: „belhs dous amicx,
   
     vai tost, e guarda no·t tricx,
    si vols que morta no sia.“
     
II
10
     Senhors, e no·m n'es ben pres,
   
     quar la plus belha qu'ieu say,
   
     m'a dig so que dig vos ay?
   
     iamais no·m deved' e res,
   
qu'ab lieys ai tot quan volia
 
15
d'amor e de drudaria,
   
     malgrat de mos enemicx;
   
     anc no fo de ioy tan ricx
    Floris, quan iac ab s'amia.
     
III
 
     Per gent servir ai conques
 
20
     de midons tot quan mi play;
   
     e quar m'i trobet veray,
   
     mi det mais que no·m promes,
   
e·m tornet el cor la via;
   
anc no m'i noc gelosia
 
25
     ni fals lauzengiers enicx,
   
     que n'an fag manhs fals prezicx,
    mas elha no·ls en crezia.
     
IV
 
     De mossenhor lo marques
   
     de Monferrat vos dirai
 
30
     que mal m'er quan me·n partirai,
   
     tant es savis e cortes
   
e de belha companhia;
   
mas, qui ver en iutjaria,
   
     ver dis lo reys Fredericx
 
35
     que mestier hi auria picx,
    qui l'aver trair'en volria.
     
V
 
     Et anc Lombartz tan no mes
   
     per pretz, qui ver en retray,
   
     cum fes sos paire, que fay
 
40
     gran sofrait'a nos cortes.
   
quant anet en Romania,
   
tenc larguez' ab luy sa via;
   
     e mal aya Salonicx,
   
     tans en fay anar mendicx
 
45
e paupres per Lombardia.
     
VI
 
Malespina, guerentia
   
     vos port que granren d'amicx
   
     avetz e pauc d'enemicx
    lai on renha cortezia.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI