Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 215,001 Auteur: Guillem Evesque joglar d'Albi Genre: Canso Numero: LVIII

Valors e beutatz e dompney

I	1	Valors e beutatz e dompney .   .   .
		.   .   .   .   .   .   .   .   .   .   .
II		.   .   .   .   .   .   .   .   .   .   .   .   .
		que·m fai penar ab greus turmens
	20	lo cor e·m vens,
		be's dregz que·l sia fis sufrens;
		e non a cor que·m porte bevolensa
		ni ylh no vol me per son amador. —
		las, en trop aut luec chauzi per amor!
III	25	En aut loc chauzi a mon dan,
		si merceyan
		midons no·m val,
		quar merce deu trobar preyan
		tot fin aman
	30	ab cor coral,
		cum yeu sui, et ab gran doussor,
		senes error.
		pus que Floris ab Blancaflor
		suy eu amans de midons ses fallensa;
	35	et ylh no vol mi per son amador; —
		las, en trop aut loc chauzi per amor!
IV		Mas si al ondrat cors prezan
		belh ben estan
		de mi no cal,
	40	mala vi son guay cors prezan,
		que puey seblan,
		si dieus mi sal,
		no·m fes d'amar ni n'ac sabor;
		don ai temor
	45	m'arma en sia en tristor
		(e volgra mais m'arma n'agues sufrensa),
		que, quar no vol mi per son amador,
		las, en trop aut loc chauzi per amor!
V		Amors mi pot enamorar
	50	lo gent cors car
		a plazent port
		de midons, e leu acordar
		ses mal estar
		el dreg d'acort
	55	del fin ioy d'amor, que·l vengues
		totz sieus sotzmes,
		mas iuntas, e m'agues merces;
		e si no·m val, ma mort vey que·l agensa.
		quar ylh non vol mi per son amador,
	60	las, en trop aut loc chauzi per amor!