Audiau, Jean. Les poésies des quatre troubadours d'Ussel, publiées d'après les manuscrits. Paris: Librarie Delagrave, 1922.

Code: 361,001 Auteur: Peire d'Uisel Genre: Cobla avec tornada Numero: XXV

En Gui d'Uisel, be·m plai vostra canços

I	1	En Gui d’Uisel, be·m plai vostra canços,
		Car disetz mal lei qe lauzes antan ;
		Se·ll dizetz mal, ella no·i a null dan,
		Qe cavalier deu meill amar qe vos ;
	5	Qe s’ela·us det s’amor nesciamen,
		Pois la·us estrais aconsillaidamen,
		Ges per aicho no·ill deu esser blasmat,
		Deis q’el’ eissa se conoc sa foudat.
II		En Gui d’Uisel, un cavalier valen
	10	Valetz vos be en maint fait avinen ;
		Mas de clerge no es acostumat
		Qe dompna l’am, anz ll’es totz temps blasmat.