Levy, Emil. Guilhem Figueira, ein provenzalischer Troubadour. Berlin: Buchdruckerei von S. Liebrecht, 1880.

Code: 217,001a Auteur: Guilhem Figueira Genre: Cobla (et réponse) Numero: 8

Anc tan bel colp de joncada

		a.
		Figueira.
I	1	Anc tan bel colp de joncada
		No cuit que hom vis,
		Com det l’autrer Jacopis
		A’N Guilhem Testapelada;
	5	Que qui que n’aja deport,
		El aja ira e desconort,
		E setot ac de joncadal cap blanc,
		Mantas vez l’a agut negre de sanc.
		b.
		N’Aimerics de Pegulha.
II		Anc tan bella espazada
	10	No cuit que hom vis,
		Com det N’Auzers sus el vis
		A’N Guilhem Gautasenhada;
		Qu’el vis lo feri tant fort
		C’un petit n’a l’un olh tort,
	15	E l’olh que sol aver negr’, er a blanc,
		El cais plus ros d’escerlatra e de sanc.