Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Bibliographie
* Notes
* Traductions
* Images

Serra-Baldó, Alfons. Els trobadors. Barcelona: Barcino, 1934 (2a ed. 1998).

Code: 335,055 Auteur: Peire Cardenal Genre: Sirventes Numero: XXXIV

Tartarassa ni voutor

   
[SIRVENTÈS]
     
I
1
Tartarassa ni voutor
   
no sent plus leu carn puden
   
com clerc e prezicador
   
senton ont es lo manen:
 
5
mantenen son sei privat,
   
e quan malautia·l bat,
   
fan li far donatio
    tal que·l paren no·i an pro. 
     
II
 
Frances e clerc an lauzor
 
10
de mal, car ben lor en pren;
   
e renovier e trachor
    an tot lo segl’eissamen;
   
qu’ab mentir et ab barat
   
an si tot lo mon torbat
 
15
que no i a religio
    que no sapcha sa leisso.
     
III
 
Saps qu’esdeven la ricor
   
de cels que l’an malamen?
   
Venra un fort raubador
 
20
que non lor laissara ren,
   
so es la mortz que·ls abat,
   
qu’ab quatr’aunas de filat
   
los tramet en tal maizo
    ont atrobon de mal pro.
     
IV
25
Hom, per que fas tal folor
   
que passes lo mandamen
   
que Deu quez es ton senhor
   
e t’a format de nien?
   
La troja ten el mercat
 
30
cel quez ab Deu si combat,
   
qu’el n’aura tal guizardo
    cum ac Judas lo felo.
     
V
 
Deus verais, ples de doussor,
   
senher, sias nos guiren,
 
35
gardatz d’enfernal dolor
   
peccadors, e de turmen;
   
e solvetz los del peccat
   
en que son pres e liat
   
e faitz lor verai perdo
  40 ab vera confessio.
     
   
(Text de Bartsch-Koschwitz)

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI