Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 355,017 Auteur: Peire Raimon de Tolosa Genre: Canso Numero: CVIII

Si com l'enfans qu'es alevatz petitz

I	1	Si com l'enfans qu'es alevatz petitz
		en cort valen et honratz del seingnor,
		pois, quant es grantz, se·n part e quer meillor,
		no·l pot trobar, ten se per escarnitz,
	5	vol se·n tornar, non a tant d'ardimen,
		aitals son eu, que·m parti follamen
		da lleis, cui ren merces, se·m vol sofrir
		que veniament en prend';  al no desir.
II		Veniar se·n pot de mi, qu'er' afollitz.
	10	mais hom qu'es fols, cho dizon li autor,
		non er iuiatz, tro que llo ten be iror;
		— del mal qu·il fai, n'es per raison punitz; —
		mas quant n'es for, er iuiatz, s'il mespren,
		o s'il avia enanz fait faillimen.
	15	e se·l fis anc, ben vos dic ses mentir,
		il saup lo ver, fatz om totz temps languir.
III		Ben o pot far e totz sera grazitz
		lo mals; l'afan, la pena e la dolor
		suffr'eu en pais, e semblara·m petitz;
	20	mais il gart sei, qu'al seu bon pretz floritz
		ges non eschai ni non es avinen
		de totz mals faitz qu'il prenda veniamen;
		mais val perdos e mielz fai a grazir,
		e sel qui·l prent, en val mais per servir.
IV	25	Eu valgra mais per servir; e garitz
		m'agra merces, pietatz et amor,
		s'omilies tant sa grant ricor
		qu'il mandes chai saluz en breu escritz; —
		e sui trop fols, quant aital pensamen
	30	qu'ill mandes chai man, sofra·n solamen;
		. . . . . . ver leis mains ionchas obezir
		tot son coman, si·l platz viure o morir.
V		Per son coman no fo mortz ni traitz
		. . . . . . . . . . . . . . . . . . . . .
	35	. . . . . . . que·m parti de la flor
		de tot lo mon, que m'avia noiritz.
		puois me·n parti, fui en tal marimen
		don fora mortz, si no fos iauzimen
		q'atent merce, per cho qu'al departir
	40	me dis ploran: deus te lais revenir.