Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 407,001 Auteur: Raimon Rigaut Genre: Trois coblas esparsas Numero: CXXVIII

Tota dona que·m don s'amor

I	1	Tota dona que·m don s'amor,
		vuelh m'o lays far premeiramen,
		e que·m don son entendemen,
		son aculhir e son honrar,
	5	son gent tener e son bayzar,
		qu'ieu no suy ges dels pecx cortes
		que no sabon d'amar que s'es.
		qui·s vuelha, me·n tenha per fatz,
		qu'ieu tenc l'afar per mielhs triatz.
II	10	Anc per amor del con
		a midons non quis s'amor,
		mas per sa fresca color
		e per sa boca rien,
		qu'ieu pron cons trobaria
	15	ab mantas, s'ieu lo lur queria,
		per qu'ieu am mais baizar soven
		que·l con, c'amorta lo talen.
III		Mantas donas donon s'amor
		a ioven ome per nien,
	20	quar lo conoysson covinen
		e quar ben las sab on ronzar
		et estrenher, quan lieys no par
		que·l maritz fos d'aital perpres;
		e quar lo tozetz non a ges
	25	d'amor, vol que sia amatz
		la dompna, en cuy son beutatz.