Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 411,003 Auteur: Raimon Vidal de Bezaudun Genre: Sirventes Numero: CCXXX

Entrel taur e·l dopble signe

I	1	Entrel taur e·l dopble signe,
		don dous temps nays e·l freytz secha,
		per que·l clars critz d'auzelhs s'arma
		contra·ls crus amadors cruzels,
	5	ai al cor un ioy dous ferm
		iauzen d'amor, clar e sert;
		e salh for al plus apert
		ab un prim car sen sotil
		so qu'ieu tenh, si·n chantan mil;
II	10	Quar iost' un cors clar e digne
		d'aver pretz, on ioys s'esplecha,
		chantar en vuelh. ar, dic, s'arma
		mos chantars ab gays ditz fizels.
		per qu'ayssi part, torna e ferm
	15	de chantar e d'amar sert;
		e·ls belhs digz dous durs cubertz
		ionh e las e d'aut compil
		mielhs d'ivern qu'autre d'abril
III		E pus dous temps baut benigne.
	20	e brandis mos chans sa flecha
		qu'a pauc fuecx no·n salh, quan s'arma.
		pueys d'entrels dous e nous sims
		. . . . . . . . . . . . . . . . .
		qu'ieu no vey fol, noca·us suy be sertz,
	25	qu'ades ai al cor sufert
		e·m sent feritz d'un fozil,
		don nueg e iorn m'i apilh.
IV		E no tem truan maligne
		ni fals digz, don malvatz lecha,
	30	s'ab semblans humils cors s'arma,
		per que·m do iauzen estau
		lai on drech te, e coferm
		mos dezirs si francx e sertz,
		quar mal grat de croys culvertz
	35	ai trobat un cors gentil
		on ma greu dolor apil.
V		Hueymais cride: „e maligne!
		be te fier ab la man drecha!‘‘
		selh que felhs contra mi s'arma
	40	per mos digz a fort blasmamens.
		devinans, per que·m desferm?
		ni cum vau fis? — fals, a ssertz,
		quar a tal me suy offertz
		qu'entre totz, s'i eron mil,
	45	no·n romprion sol un fil.
VI		Dona, selh per cuy . . . . . . .
		son fait e maynt' obra drecha
		lai on fes fizels gen s'arma,
		vos don en cor ans del frey
	50	sanc per que·l ioy ferm
		tot cug esser ben sert;
		e fassa·m als croys, dezertz,
		en pretz paucs, ab malvat quil,
		so don lurs poders s'avil.