Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 428,001 Auteur: Rostanh de Merguas Genre: Canso Numero: CXXXII

La douss'amors qu'ay al cor

I	1	La douss'amors qu'ay al cor,
		don acor
		. . . m'auci. ho sai cora
		ja·m socora
	5	la bella don chan,
		don ges no m'eschan
		lo mals qu'e la boca·s chanta?
		mas ges no vuelh que·s eschanta,
		ans, quan plus m'esmay,
	10	plus leyalmen m'ay
		ves amor, e·m plai qu'ilh m'aya,
		quan m'esmaya.
		e ges non aten,
		si no y trai e y ten
	15	amors, que re·m valh' atenda;
		e si no y traya, no y tenda.
II		Ma dona·m ditz que.m demor,
		e·l cors mor;
		dieus li don aital demora
	20	cum ylh mora.
		belh lh'es que·m deschan
		e·m gap, quan l'enchan;
		e·l poder d'amor deschanta,
		que·m tolh lo sen e·m enchanta.
	25	la dolor qu'ieu tray,
		don ges no·m estray,
		me don dieus vezer qu'ilh traya;
		no·s n'estraya
		tan tro que·m esmen
	30	per esmendamen
		d'un baizar, que tal esmenda
		penrai, si ves me s'esmenda.
III		Prec li que·m bays cum ma sor,
		que·l thezor
	35	m'aura dat, s'ab mi sazora,
		que·l cors s'ora.
		e s'ieu pueys me·n van,
		no·m don ren avan,
		qu'ab bon dreg pert selh que·s vanta,
	40	so don fin' amors l'avanta,
		e si mezeus tray
		qui d'amor retray
		so don sa dona mal traya,
		ni·l retraya
	45	lauzengier, qu'apren
		so don pueys repren;
		et es foudatz qu'om aprenda
		de luy qu'apren don reprenda.
IV		Ges tot l'aver Nicanor
	50	en fin or
		non am tan cum s'ilh m'onora
		sol un' hora.
		tan l'am ses enian
		qu'ieu no vuelh qu'enian
	55	son marit, cum fes la ganta
		lo iant, s'om tot l'aspreyanta.
		de fin cor veray
		l'am, e cor ver ay
		d'amor, e sia·m veraya,
	60	cor ver aia.
		l'amors que·m ensen
		el cor e·m dissen,
		vuelha dieus qu'en lieys dissenda
		e·l dur cor l'arda e l'escenda.
V	65	No·m puesc partir a nulh for,
		tan m'afor,
		de lieys que·m trasfora.
		partitz fora
		mos cors malanan,
	70	mas mostran denan
		amors lieys, don ai unanta,
		no vuelh per qu'om me don'anta.
		ni ges dir non say
		per negun assay
	75	. . . . . . . . . quon assaya;
		que, sotz saya
		s'ab lieys ai guiren,
		e s'amors la·m ren,
		ia dieus no·m do autra renda
	80	mas lieys, cuy veu mmi renda.
VI		La clardatz el ray
		del fin pretz veray
		na Maria lutz e raya
		tan veraya
	85	qu'en re pretz no y men,
		ni tanh qu'hom l'esmen,
		quar no y a taca ni menda,
		per que no y cove esmenda.
VII		Amad'aurai, ab que·l playa,
	90	lieys, que·m playa·
		l cor que·m franh e·m fen,
		ves cuy no·m defen.
		amor prec que·l cor li fenda
		tan que vas me no·s defenda.