Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 206,004 Auteur: Daspols Genre: Tenson fictive Numero: IV, 2

Seinhos, aujas, c'aves saber e sens

		DASPOL (f. 13).
I	1	Seinhos, aujas, c’aves saber e sen(s)
		Que m’esdevenc l’autre ser can dormia :
		Sus el sel fuy on Dieu tenc parlamen,
		Es [a l’] entorn si sarial compainhia ;
	5	E dir vos ai la clamor que tenia
		De crestians com reinhon falsament,
		Car non deman lo sieu sant monument
		Comte ni duc ni prinse ni cle[r]sia.
II		Et ieu leviei, que respos sapchament :
	10	Tort n’aves, Dieus, e prendes autra via,
		Car vos donas poder a falsa jent,
		Qu’en fan quex jorn erguell e vilania,
		Qu’il non crezon ni fan ren que bon sia ;
		E vos das lor sobras d’aur e d’argent
	15	Tant que n’estan crestian(s) recrezen(s),
		Car combatre nos pot hom cascun dia.
III		— Daspol, car iest contrarios
		Al clers darai tota malaventura,
		Et als ordes tolrai possesions,
	20	Que s’ar son ricxs, de tems n’auran frachura,
		Pueis dar lur ai malautia mot dura ;
		E li prinse perdran indicsions,
		Doncs remanran aunit(z) e vergoinhos
		Tant qu’en efern sera lur sebeutura.
IV	25	— Bel seinher Dieus, ben par qu’est poderos,
		Qu’en luoc segur estas ez en autura ;
		Per queus pensas quens combatam per vos,
		Que Sarazins onretz e jent tafura
		Que nos laison fort castel ni clauzura,
	30	El bastiment volvon de sus en jos ?
		Et a durat lonc tems esta tensos,
		Per qu’ieu non say de queus fassam rancura.
V		— Daspol, sil prinse nil prelat
		M’agueson jes d’amor en lur corage,
	35	Quel[s] sovengues ab vera caritat
		Com fuy en cros mes per l’uman linhage,
		Cascus fora volontos del passaje.
		Si lur membres mon sanc c’ai escampat
		E s’il moron can si son trebailhat
	40	E nus non pren guarda d’aquel viage.
VI		— Bel seinher Dieus, ben mot aures parlat.
		E pogras ben revenir sest damnage
		S’al[s] Sarazins donases volontat
		Cascus per si conogues son follage ;
	45	Pueis non calgra negus annar a rage
		Pueis que cascus conogra sa foudat,
		Car nos prendem mort per lur viell peccat
		E vos es leu quens gites a carnage.
VII		— Daspol, de Temple e d’Espital (vº)
	50	E dels ordes comensat[z] ab santeza
		S’es devengut qu’en luoc de ben fan mal
		E volon trop dormir en lur maleza,
		Car tut(z) son plen(s) d’orguelh e d’avareza
		E non volon pensar d’autre jornal ;
	55	Mas iels farai camjar cambras hostal,
		Quel plus ardit de totz n’aura fereza.
VIII		— Bel seinher Dieus, la gloria rial
		Pogras emplir s’esquivases lageza ;
		Pos conoises que tut(z) son deslial
	60	Per que[l]s laisas reinhar en lur vileza ?
		E, pueis le mont si pert per cobezeza,
		Donas nos tant que tut(z) siam egual ;
		E pueis serem tut(z) fin e natural,
		Cascun volra pensar de sa nobleza.
IX	65	E pueis m’esprit, mas Dieus per sa santeza
		Vuella, sil plas, quel rei el cardenal
		E li prelat el prinser sian tal
		C’usquecs vuella fenir en gran boneza.
		Rei d’Aragon, pair’ e fil de prozeza,
	70	Castel de pres, fons de so per c’om val,
		Mon som ieus dic, seinher, si Dieus vos sal,
		Quel menares en dreg vostra franqueza.