Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Observations

* Présentation
* Bibliographie
* Notes
* Images

Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 427,008 Auteur: Rostaing Berenguier de Marseilla Genre: Canso Numero: X, 3

Tot en aisi con es del balasicz

   
Mesier ROSTANH BERENGUIER. (f. 28 v°)
xiij.
   
     
I
1
Tot en aisi con es del balasicz
   
C’ap son esgart nos plus que colps de(s) glay,
   
Don resouton man quil e man esglay,
   
Es drechamen l’esgardar sobretrixz
 
5
De leis qu’ieu am, car dousamen m’esguara,
   
El dous esgar mi fer em frainh al cor ;
   
Et enaisi mos cors non vieu ni mor
    Soptanamen, mas mor n’esper ancara.
     
II
 
Ar dira hom qu’ieu en van suy enicz
 
10
Et en van vieu mos cors en tal esmay,
   
E que fols suy e musart car m’esmay
   
Si sospiran planc car n’ay mans destricz,
   
Quel fin aimans per [e]speransa cara
   
Deu tener lieu tot destric e demor,
 
15
Cant que si dons en son plazer demor ;
    E vays ne joys per raszon sobreclara :
     
III
 
Gran dons donats leu par(on) dons de mendicz,
   
E claramen ves homs que say e lay
   
Es mais prezat tot so que costa may,
 
20
Si com vezem claramen que l’espicz
   
Qu’es presios, que sa vertut esgara,
   
Es tengut cars, d’aut pres et en gran for
   
Hotra lo mar, e neys ne fon tezor,
    Et entre nos li foll en fan tiara.
     
IV
25
Aysi vieuray languent per los abricz
   
Sil play que plus compre so que vist l’ay,
   
E responden dic c’ap chant et ab lay,
   
Ab cor fizel suy estat sos amicz ;
   
E si dese mi part nim desampara
 
30
Non er razon c’ab autre si demor,
   
Car per .x. ans nueg e jorn, d’or en or
    Suy estat sieus servires tro jusc’ara.
     
V
 
Pauc m’a valgut mos prexs ni mos presicz,
   
Ni jauzimens d’auzels ni flor de(s) glay,
 
35
Ni le plazers que Dieus tramet hen may
   
Cant hom ves vertz [z] los pratz e los guaricz ;
   
E mais mi val, segon so que vey ara,
   
Le dols qu’ieu n’ay m’ausiza e m’acor,
   
Ho quem meta reclus sotz .j. gran tor
 
40
Que sufertar tan grieu dolor amara.
     
VI
 
Na Bel conort, la vostra beutat clara
   
El dous esguart de que[m] feritz al cor
   
Mi fay chantar com le signes can mor,
    Chantar joyos car trebailh desempara.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI