Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 427,007 Auteur: Rostaing Berenguier de Marseilla Genre: Canso Numero: X, 5

Tant es plasent nostr'amia

		Monsen ROSTAINH BERENGUIER DE MASEILHA. (f. 34).
.xxiiij.
I	1	Tant es plasent nostr’amia
		E tant n’ay de jausimen
		Per que, reconoissemen
		Fazen de sa cortezia,
	5	Li grasicz la gran amor
		Quem porta, guardant s’onor,
		Per qu’el mi ren hon que sia
		Per servir li nueg e dia
		Con per servidor humil
	10	Guardan son fin pres gentil.
II		Car sa joyosa paria
		Mi ten guay ses languimen
		Ab joyos esbaudimen
		Car es rosa de cumdia
	15	Ab tan de valor
		Qu’en fin pres alsor
		Estai nueg e dia
		Ab dousa paria ;
		Per qu’eu lim rent hen m’apil
	20	Car ha fin pres seinhoril.
III		Ayssim ten s’amor hen lya
		Per que li mi don hen rent,
		E suy certz que s’ilhim pren
		Per servidor ses bauzia
	25	Ilhi porta flor
		De tota lauzor
		Et es a la tria
		Vera ses bauzia,
		Si vay ho es entre mil
	30	Clara ses pensamen vil.
IV		Nostr’amia taing que sia
		Nomnada degudamen
		Per me, car cumunalmen
		Totz cels que esguara lya
	35	D’esguart de dousor,
		Car de sa color
		.  .  .  .  .  .  .  .  .  .
		Es la nueh el dia
		E par con rosa d’abril
	40	Ab cor en totz bens subtil.