Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Code: 437,037 Auteur: Sordel Genre: Échange de coblas Numero: XXXII

Toz hom me van disen en esta maladia

I	1	«Toz hom me van disen en esta maladia
		qe, s’ieu mi conortes, qe gran ben me faria;
		ben sai q’il deison ver; mas com far lo porria
		hom q’e[s] paubre d’aver et es malat[z] tot dia
	5	et es mal de seignor e d’amor e d’amia?
		Fos qi m’o ensignes, ben me conortaria».
II		«Sordel[s] diz mal de mi, e far no lo·m deuria,
		q’ieu l’ai tengut [e tenh] car e onrat tot dia:
		donei li fol, molin e autra manentia,
	10	e donei li mollier aital com el volia;
		mais fol[s] es e ennoios, e es plen[s] de follia;
		qi·l dones un contat, grat no li·n sentiria.»