Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Code: 437,014 Auteur: Sordel Genre: Deux coblas Numero: XXXIII

Dompna valen, saluz et amistaz

I	1	Dompna valen, saluz et amistaz,
		e tot qan pot de plaiser e d’onor
		vos manda sel, ses cor galiador,
		qe vostre hom es et a vos s’es donaz.
	5	Vos qer merceis, qomandar li dignas
		vostre plaiser e tot qant vos bon sia,
		qar vostre hom sui e per vostre m’autrei,
		e tot qan vos amaz, am e soblei.
II		E qer merceis a vostra[s] dignitas,
	10	al gran saber, a la fina beutaz,
		qe mi dignas tenir per servidor
		asci cum sel q’es vostre domnegaz;
		qar, per ma fe, tan vos am e golei
		cum las clartas des oil[z] ab cui eu vei.