Boni, Marco. Sordello, Le poesie. Nuova edizione critica con studio introduttivo, traduzioni, note e glossario. Bologna: Palmaverde, 1954.

Code: 437,020b Auteur: Sordel Genre: Cobla Numero: XLI

No·m meraveill si·l marit son gilos

I	1	No·m meraveill si·l marit son gilos
		de mi, tan sui en dreig d’amor sabenz,
		qu’el mon non es dompna, tan sia pros,
		que·s defendes de mos dolz precs plaisenz:
	5	donc non blasm’on negun que de me·s plaingna,
		q’usqecs a dol qant sa moillers m’acoill;
		mais sol qez eu ab son cors me despueill,
		pauc pretz son dol e meinz blan sa mesclaingna.
II		Ja nuls marritz de mon joi non se plaingna,
	10	qu’enaissi sui fadatz, que tot quant voill
		s’eschai qu’aia d’amor, per qu’eu no·m tueill
		d’aucir domnas per bruit ni per mesclaingna.