Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Notes
* Traductions
* Images

Appel, Carl. Der Trobador Cadenet. Halle a. S.: Verlag von Max Niemeyer, 1920.

Code: 106,010 Auteur: Cadenet Genre: Chanson religieuse, chanson de pénitence Numero: III

Ben volgra, s'esser pogues

I
1
     Ben volgra, s’esser pogues,
   
     tot lo mal c’ai faich, desfar
   
     e·l ben qu’ieu non ai faich, far.
   
     ay ! cum m’en fora ben pres
 
5
     si·l bes fos mals e·l mals bes !
   
     aissi no·m calgra doptar,
   
     anz fora lo bes tant grans
   
     q’ieu fora pars d’un dels sans.
   
aras non sai cum s’anara de me,
 
10
tant son li mal gran e petit li be.
     
II
 
     Tant mi sent vas Dieu mespres
   
     qi’ieu·m cujei desesperar ;
   
     mas vei que non o dei far,
   
     car maier es sa merces
 
15
     qe·l mieus grans pechatz non es.
   
     aisso·m fai asegurar.
   
     pero ben volgra tres tans
   
     viure de jorns e d’ans                             (— 1)
   
a sa honor per mieills trobar merce
 
20
cum l’ai estat fals e de mala fe.
     
III  
     Ben sai, si ja·m val merces,
   
     que merces sera ses par ;
   
     sol aisso·m deu esglaiar
   
     que re plus faich non agues ;
 
25
     mas las setmanas e·ls mes
   
     e·ls ans q’ai laissatz passar
   
     q’ieu non fui de Dieu membrans,
   
     sol aisso·m deu esser dans,
   
car guizerdon non fai hom de non-re,
 
30
e quier l’a tort qui non a faich per que.
     
IV
 
     Verais Ihesu Crist, no·us pes
   
     si de re vos aus preiar.
   
     merces ! no·m laissetz cobrar
   
     al diable qe·m tenc pres !
 
35
     e car anc fis qe·il plagues,
   
     al cors, q’a faitz los engans,
   
     en sia faitz lo demans.
    lo cors n’aia la pena qe·il cove,
    qu’el a trazit l’arma e vos e se.
     
V
40
     Ben sai q’a tart me sui pres
   
     vas Dieu a merce clamar ;
   
     mas vos mi mandetz, so·m par,
   
     que, cal ora que vengues,
   
     no·m soanariatz jes.
 
45
     e fora temps d’albergar,
   
     pero ben volgra enans
   
     laissar mos faillimens grans,
   
q’en vostra cort non pot intrar, so cre.
    nuills hom tachatz de nuilla laia re.
     
VI
50
     Segles desleials, truans,
   
     fals enseignaire d’enjans.
   
ab vos non a nuills hom honor ni be.
    pois ama Dieu ni·l tem ni·l blan ni·l cre. 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI