Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Bibliographie
* Témoignage
* Notes
* Traductions
* Images

Appel, Carl. Der Trobador Cadenet. Halle a. S.: Verlag von Max Niemeyer, 1920.

Code: 106,007 Auteur: Cadenet Genre: Canso Numero: XVI

Amors, e com er de me?

I
1
Amors, e com er de me ?
   
ja sui tornatz en l’afan,
   
de que m’alarguetz antan
   
en aissi del tot lo fre,
 
5
per vezer si ja sabria
   
be ni gen viure ses vos.
   
be ni gen ? no ; mas viuria
   
seguramen, cum que fos,
   
aissi cum vey viur’assatz
 
10
ses vos e ses vostr’ajuda,
   
de ricx e d’alegoratz,
    qu’an la vergonha perduda.
 
   
II
 
De tot autre guerrier cre
   
que·s pot hom defendr’ab bran,
 
15
o metre l’escut denan
   
sivals entre lui e se,
   
o s’estrem’om de sa via
   
o·s met en un luec rescos,
   
o·lh val fors’o gualhardia,
 
20
o gienhs o defensios
   
o castelhs o fermetatz
   
o amics o bon’ajuda,
   
mas selh que vos guerreiatz,
    val menhs, on plus s’esvertuda.
     
III
25
Ai de mon cor ! quar no ve
   
de lai on remas, ogan ?
   
Amors, a vos o deman,
   
ma domna per que·l rete ?
   
vau vezer si·l me rendria.
 
30
de l’anar suy ieu cochos,
   
mas del tornar cum seria ?
   
be faria d’un dan dos.
   
mais me notz „a Dieu siatz“
   
que „Dieus vos sal“ no m’ajuda.
 
35
dona, si no fos comjatz,
    mout fora bona·l venguda.
     
IV
 
Tres letras del ·a· ·b· ·c·
   
aprendetz, plus no·us deman :
   
·a· ·m· e ·t·, quar aitan
 
40
volon dire com : „am te“.
   
et ab aitan de clercia
   
auria pro entre nos. —
   
empero mais ieu volria
   
·o· e ·c· mantas sazos.
 
45
pueys s’ieu dizia : „diguatz,
   
dona : vos, faretz m’ajuda ?“,
   
ieu crey que vos seriatz
    de dir’ „oc“ aperceubuda.
     
V
 
Bona domna, tart m’ave
 
50
qu’ieu vos digua mon talan,
   
et adoncs pauc e duptan.
   
e per tot so no·m recre.
   
e quar vostre companhia
   
es tota d’omes gilos,
 
55
us amicx i tanheria,
   
don’, entre tanz enuios,
   
quez ieu tem e vos duptatz,
   
per que·y auri’ops ajuda ;
   
e per que no·n comensatz,
 
60
bona domna, es perduda.
     
VI
 
L’anars, bona domna, ·m platz
   
vas vos per respieg d’ajuda ;
   
pero quan m’en sui tornatz,
    ieu trob ma pena creguda.
     
VII
65
Lauzengier, bon astr’aiatz,
   
qu’ades me faitz bon’ajuda,
   
qu’ab vostre mentir m’onratz,
    e vertatz no·n es saubuda.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI