Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Bibliographie
* Témoignage
* Notes
* Traductions
* Images

Appel, Carl. Der Trobador Cadenet. Halle a. S.: Verlag von Max Niemeyer, 1920.

Code: 106,021 Auteur: Cadenet Genre: Canso Numero: XVIII

S'ieu oi mais deserenan

I
1
S’ieu oi mais deserenan
   
non chantava voluntiers,
   
vos, a cui platz alegriers,
    m’en deuriatz far deman,
 
5
     q’ieu sui ben tengutz
   
     per mon joi, si l’ai,
   
     que no sia mutz
   
               lai
         on serant li gai.
 
10
     e vos cui chans platz,
   
     aujatz e chantatz
   
oi mais novellas chanssos
    que farai ab coindetz sos.
     
II
 
S’ieu fos de leugier talan
 
15
ni temses los cossiriers
   
c’amors mi donet sobriers,
   
enqera no·n for’ en tan.
   
     mas no·m sui mogutz
         ni ges no·m mourai,
 
20
     anz sui remazutz
   
               lai
   
     on fui e serai.
   
     e vuoill qe·m crezatz
         vos autre c’amatz,
 
25
c’atressi·n penra a vos
    ab un cor, e mal ab dos.
     
III
 
Sabetz vos que doi cor fan ?
   
certas, homnes messongiers ;
   
e fals d’aquestz dos mestiers
 
30
vei que son aquil que·ls an.
   
     mas s’ie·n fos crezutz
   
     (so que non serai),
   
     ja non fora drutz
                   lai
 
35
     fals on non s’eschai.
   
     dompnas ab beutatz,
   
     chascuna·us gardatz
   
que non aia part en vos
    qui mais a mals aips que bos.
     
IV
40
A dompn’es pro ben-estan
   
que l’am us sols cavalliers,
   
e mal pus i met pariers.
    mas d’un taing, . . . . . . . .
   
     . . . . . . . . . . . . . . . . . .
 
45
     . . . . . . . . . . . . . . . . . .
   
     e pus car tengutz
   
               lai
   
     . . . . . . . . . . . . . . . . . . . ;
         e si es malvatz
 
50
     ni mal enseignatz,
   
ja bella dompna ni pros
    no·is taing que·l fassa joios.
     
V
 
Dompna sai ieu ses engan,
   
on non troba lausengiers
 
55
ren de que sia parliers
   
mas de ben, si n’a talan,
   
     ni no·n sortz mals brutz
   
     (car non o forfai)
         ni nuills avols cutz
 
60
               lai
   
     on ill es, ni sai,
   
     bell’ab gai solatz
   
     ses avol percatz,
    e si·n fora ieu gilos
 
65
si·l sens q’es en lieis, no fos.
     
VI
 
     Lausengier, digatz
   
     de mi qe·us voillatz,
   
q’ie·m teing per pagatz de vos,
    e mos amics per un dos.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI