Appel, Carl. Der Trobador Cadenet. Halle a. S.: Verlag von Max Niemeyer, 1920.

Code: 106,015 Auteur: Cadenet Genre: Pastorela Numero: XXIII

L'autrier lonc un bosc folhos

I	1	L’autrier lonc un bosc folhos
		trobei en ma via
		un pastor mot angoissos
		cantan; e disia
	5	sa cansos: „Amors,
		ie·m clam dels lauzenjadors,
		quar la dolors
		qu’a per els m’amia,
		mi fai pietz que·l mia.“ —
II	10	„Pastre, lauzengier gelos
		m’onron quascun dia,
		e dizon qu’ieu soi joios
		de tal drudaria
		don mi creis honors ;
	15	e no·n ai autre socors ;
		pero·l paors
		que cil n’an, seria
		vertatz, s’ieu podia.“ —
III		„Senher, pos lo fals ressos
	20	de lor gelozia
		vos platz, pauc etz amoros,
		que lor felonia
		part mans amadors ;
		qu’ieu pert midons pels trachors ;
	25	et es errors
		e dobla folia
		qui en lor se fia.“ —
IV		„Pastre, ieu no soi ges vos,
		que·l maritz, volria,
	30	bates midons a sazos,
		qu’adoncs la·m daria,
		quar per aitals flors
		las an li gelos pejors,
		qu’ab las melhors
	35	ten dan vilania
		e·i vai cortezia,“