Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Code: 457,019 Auteur: Uc de Sant Circ Genre: Deux coblas avec tornada Numero: XVI

Ma dompna cuit fasa sen

I	1	Ma dompna cuit fasa sen
		S’ella torn’ a la roca,
		Qe sa valors va cazen
		E l’avols bruiz descroca
	5	Q·ill vai tot bon prez tolen,
		Per q’ill trop soven broca,
		Ne ges no voill dir comen ;
		Mas lo critz aisi floca
		Qe d’onor la desroca.
II	10	Per qe dic q’eu voill oimais
		Q’ill faza so q·ill plaia,
		Qe de lei amar mi lais,
		Ni ja nuills temps no aia
		Consir c’ab negus essais
	15	A lei servir m’atraia ;
		Qe·ll vei far de tals eslais
		C’oms no es qe non braia,
		Ne ill no s’en esmaia.
III		Mas se de rausel biais
	20	Vol qe bes lei eschaia,
		Tenga·l si q’el no çaia.