De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Còdi: 156,009=310,002 Autor: Falquet de Romans , Nicolet de Turin Genre: Échange de coblas Numero: LXXXVIII

Nicolet, gran malenansa

		FALQUET DE ROMAN a Nicolet:
I	1	Nicolet, gran malenansa
		Ac can vos vi desconfire:
		Mais vos valgron que la lanza
		Li esperon, zo auc dire;
	5	D’aizo no vos podetz esdire:
		Que l’ausberc el bran rudolen
		Rendes ses colp ad un serven;
		Ni nous en podetz escondire;
		Gardatz si fezes falhimen
	10	Vas la bella queus acuolh gen!
		NICOLEZ DE TURRIN li respondet:
II		Trop son de dur’acointanza
		Borgonhon; per qels adire,
		Falquet; qu’a la comensanza
		Me tolgron solatz e rire;
	15	Enoios son, al meu albire;
		Per quem parti de lor fugen
		E segi lo comte valen
		Godofre, de cui sui servire,
		El pro comt’Ubert eissamen
	20	C’avia de vezer talen.