Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Notes
* Imatges

 

Appel, Carl. Das Leben und die Lieder des trobadors Peire Rogier. Berlin: Druck und Verlag von G. Reimer, 1882.

Codi: 392,008 Autor: Raimbaut de Vaqueiras Gènere: Sirventes Número: VII

 

Ben sai e conosc ueramen

I
1
   Ben sai e conosc ueramen
   
   que uers es so que·l uilas di,
   
   que nuils hom, qu’es dins son aizi,
   
   trobe tot so que uai queren ;
 
5
      e s’anc non ac malanansa,
   
      no sap que s’es benestansa ;
   
mas adonx l’es totz sos deleitz doblatz,
   
         quan sap l’aize saluatge,
   
e n’ama mais tot so dins son estatge.
     
II
10
   Mas d’ome·m merauill fortmen,
   
   que sap mals e bes autressi
   
   e sap com ua·l cars al moli,
   
   e pot uiure onradamen,
   
      com pot far tan gran effansa
 
15
      que suefra tal malestansa,
   
que an per mar ; mas als desamparatz,
   
         que non an peins ni gatge,
    lais tot aquo e fass’ autre uiatge.
     
III
 
   Que·ill merme . . . . . . son coçen,
 
20
   e l’. . . . . d’autrui e de si
   
   a gran regart ser e mati
   
   em poder d’aigua e de uen,
   
      . . . . . . . . . . .
   
      et es tot iorn en balansa
 
25
et a·ls uestirs rouillos e moillatz,
   
         e gens d’auol linhatge
   
dir-l’aun enueg e faraun li oltratge.
     
IV
 
   E qui mal tra, e peitz aten ;
   
   ia de be no·l fassa hom fi,
 
30
   ans ha regart per tot aqui
   
   on uai, no perd’ al ribamen,
   
      e ia no·ill tengron fiansa
   
      ni sagramen ni fermansa,
   
ans si podon, sera lo sieus panatz ;
 
35
         ges ieu no tenc per sage
    ric c’o persec, ans fai doble folatge.
     
V
 
   Qu’ieu pretz mais iazer nutz e gen
   
   que uestitz iosta peleri,
   
   e mais aigua fresca ab bon ui
 
40
   . . . . . . . . . . .
   
      . . . . . . . . . . que ransa
   
      e mais ioia que pezansa,
   
e bos maniars e palafres assatz
   
         que bescueitz ab auratge,
 
45
e bels ostals mais que port ni ribatge.
     
VI
 
   Perqu’ieu m’en part, s’anc n’aic talen
   
   de l’anar ni anc m’abeli ;
   
   e qui·s uol, segua aquest traї
   
   e gard e leuan e ponen,
 
50
      qu’ieu am mais estar en Fransa,
   
      on ha mais ioi et onransa,
   
et ab totz uens ieu penrai uas totz latz
   
         en luec ferm alberguatge,
    e cui plaira, segua aquest uiatge.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI