Vatteroni, Sergio. Le poesie del trovatore Johan Esteve. Pisa: Pacini, 1986.

Codi: 266,008 Autor: Joan Esteve Gènere: Chanson religieuse Número: IX

 

Le senhers qu'es guitz

		PREGUIEYRA QUE FES JOHAN ESTE[VE] L’AN MCCLXXVIIII.
I	1	Le senhers qu’es guitz
		del mon, que totz bes
		fes,
		us vers Dieus complitz,
	5	humil, de merces
		ples,
		qui fo pels malditz
		juzieus en crotz, pres,
		mes,
	10	mortz, d’espieut feritz,
		ses tort, coma fes
		es,
		prec, si cum es clars
		bars,
	15	reys dels reys, senhors,
		flors,
		qu’ab sos perdonars
		cars
		m’autreye s’amors,
	20	—qu’ab mos fals parlars
		vars
		suy avutz peiors
		c’ors,
		ez e mos pessars
	25	fars-
		sitz d’ira e d’errors,
		ab bauzia
		que·m galia.
		aissi mal obran
	30	l’an—
		quals que·m sia,
		merce·l sia
		de so que·l deman,
		tan
	35	que la mia
		arma·n ria
		l’ora trespassan:
		quan
		er lo dia
	40	done·lh via
		lay on li sal gran
		van.
II		De miey falhimen
		e de mos peccatz
	45	datz
		sia·m salvamen,
		si a sas bontatz
		platz
		del seynhor plazen
	50	a cuy non desplatz
		patz,
		ans n’an veramen
		bonas voluntatz
		gratz,
	55	e·n ve a bon port
		fort
		l’arma del cor dos,
		bos,
		humil, quan la mort
	60	mort
		lo, e·il trenca·l nos;
		mar ieu, s’i recort,
		port,
		felh, cor ergullos;
	65	mos
		huelhs m’an dat conort
		tort,
		mal mantas sazos,
		ab semblansa
	70	quez enansa
		peccat que trahi
		mi.
		Perdonansa
		n’er mondansa
	75	del rey qu’ey mati
		vi;
		qu’esperansa
		ses duptansa
		n’ay, qu’en als no·m fi,
	80	ni
		n’ay membransa.
		Per s’onransa
		don gaug a ma fi
		fi.
III	85	El sieu paradis,
		on bruelha e nays
		mais
		de be qu’om no dis,
		ez es pus verays
	90	fais,
		si·l platz, m’aculhis
		Dieus, vers pas que·ns pays
		gays,
		m’arma peccairis
	95	plena de forfais
		lays,
		qu’anc no saup tener
		ver
		pus nasquet em pes,
	100	des-
		torta d’un dever.
		Per
		sert yeu li·m cofes,
		e plassa·l aver
	105	mer-
		ces, re no·y gares
		d’es-
		m’, el gaug qu’ieu esper
		ser
	110	mati, luenh o pres,
		del repaire
		on ad aire
		estan los lials
		sals
	115	mi peccaire
		meta·l paire
		reys celestials,
		quals
		nos volc traire
	120	de mezaire,
		qu’eram tug egals
		mals
		ses estrai re;
		denh o faire,
	125	no·y gar mos jornals
		fals.
IV		Lo salvaire
		perdonaire
		m’aya merce quals
	130	tals
		quo al layre
		ac lo paire
		quan suffri mortals
		mals.