Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari

* Davantal
* Bibliografia
* Testimonis
* Notes
* Traduccions
* Imatges

 

Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 458,001 Autor: Uguet Gènere: Tenso Número: II

 

'Scometre'us vòlh, Reculaire

I
1
'Scometre'us vòlh, Reculaire ;
   
Pois vestirs no'us dura gaire,
   
De paubretat ètz confraire
   
Als bons òmes de Leun ;
 
5
Mas de fe no'n semblatz un
   
Que vos ètz fòls e jugaire,
    E de putans cortejaire.
     
II
 
N'Uguet, auzit ai retraire
   
Qu'uns temps èr, çò m'es vejaire,
 
10
Que l'aursfrés e'l gris e'l vaire
   
N'iràn ab lo fum tot un ;
   
Per qu'ieu non ai mon estrun
   
En aver, dont sui burlaire,
    E chascuns dègr' aissí faire.
     
III
15
Reculaire, fòls seria
   
Totz òm que d'aiçò'us crezia ;
   
Vos cujatz que be'us estia,
   
Quant al jòc vos despulhatz,
   
E quan fai freg tremolatz,
 
20
E cridatz : « Qui'm prestaria
    Son mantèl, ie'l li rendria. »
     
IV
 
N'Uguet, ben sai, s'ieu moria
   
Qu’ atretan me'n portaria
   
Co'l plus rics reis qu'el mon sia ;
 
25
Per qu'ieu sèc mas volontatz,
   
E jògui ab los tres datz,
   
E pren ab los cons paria,
    Et ab bon vin, on que sia.
     
V
 
Reculaire, qui'us donava
 
30
Cinc sòls, e pueis en gitava
   
Autres cinc por en la grava,
   
Detz sòls auria perdutz ;
   
Mentre qu'aissí viuretz nutz,
   
E cujatz, si be'us estava,
 
35
Vos prezès qui'us encontrava ?
     
VI
 
N'Uguet, ben paraula brava
   
Disetz mi com si'us costava
   
Mos jòcs, mas s'ieu amassava
   
Tal aver dont fos perdutz
 
40
L'esperitz ni deceubutz,
   
Dirion que mal estava
    Bon òme de Calatrava.
     
VII
 
Reculaire, ieu son drutz
   
De tal, si dir o ausava,
 
45
Qu'es la génser qu'òm mentava.
     
VIII
 
N'Uguet, et ieu vauc si nutz,
   
Que si laire m'encontrava,
    No'm tolria si no'm dava.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI