Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 407,001 Autor: Raimon Rigaut Gènere: Trois coblas esparsas Número: VIII

 

Tota dòmna que'm don s'amor

		1
I	1	Tota dòmna que'm don s'amor,
		Vuelh m'o lais far premeiramen,
		E que'm don son entendemen,
		Son aculhir e son onrar,
	5	Son gent tener e son baisar,
		Qu'ieu non sui ges dels pècs cortés
		Que non sabon d'amar que s'es.
		Qui's vuelha me'n tenha per fatz,
		Qu'ieu tenc l'afar per mielhs triatz.
		2
II	10	Anc per amor del con
		A midòns non quis s'amor,
		Mas per sa fresca color
		E per sa boca rïen,
		Qu'ieu pron cons trobaria
	15	Ab mantas, s'ieu lo lur queria,
		Per qu'ieu am mais baisar soven
		Que'l con, qu'amòrta lo talen.
		3
III		Mantas dòmnas donon s'amor
		A joven òme per nïen,
	20	Car lo conoisson covinen
		E car ben las sap com ronzar
		Et estrénher, quan lieis non par
		Que'l maritz fos d'aital perprés ;
		E car lo tosetz non a ges
	25	D'amor, vòlh que sia amatz
		La dòmna en cui son bontatz.