Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 410,004 Autor: Raimon de Tors, de Marseilla Gènere: Miei-sirventes Número: XVI

 

A totz maritz man e dic

I	1	A totz maritz man e dic
		Qu'ab maires estàn,
		Que ses trebalhs ab fastic
		Ja non estaràn,
	5	Ni ja ses tençon ;
		Per qué trai pieg de prison,
		al mieu albir,
		Maritz que aiçò vòl sofrir :
		Car dòl a dins e defòra.
	10	Tant mal estàn suegr'e nòra !
II		Totas las nòras prezic
		Que son ni seràn
		Que's gardon dels fals abric
		Que las sògras fan.
	15	E faràn lur pron,
		Car ses tota uchason
		Sabon bastir
		Gran mal, gran dan e gran azir ;
		Per qué d'albèrc geta fòra
	20	Chascuna suegra sa nòra.
III		Tot li jove e l'antic
		Del mon que sens an
		Sabon que ab còr enic
		Suegra es tot l'an
	25	Ves nòra, que non
		Esgarda drech ni razon.
		Per que pòt dir
		Totz lo mons entiers, ses mentir,
		Que Na Bèla Pros es fòra
	30	De son albèrc, car es nòra.
IV		Mieg serventés bon
		Tramet lai a Sestairon,
		Que'l deja dir
		Maistre Jacm'e far auzir
	35	Dins Sestairon e defòra,
		Que o sapcha suegra e nòra.
V		Car averir
		Deu òm ver, e mensonja delir :
		S'En Farautz ven, veirem fòra
	40	La suegra e dins la nòra.
VI		Rata pennada defòra
		Er li suegr' e dins li nòra.