Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 306,002 Autor: Montan Gènere: Tenson fictive Número: XXXIV

 

Eu venh vas vos, Sénher, fauda levada

I	1	Eu venh vas vos, Sénher, fauda levada,
		Qu'auzit ai dir qu'avètz nom En Montan
		Qu'anc de fotre non fui assazonada,
		Et ai tengut dos ans un capelan,
	5	E sos clèrgues e tota sa masnada
		Et ai gròs cul espés e tramejan
		E màger con [que] d'autra femna nada.
II		Et eu vas vos, Dòmna, ab braga baissada
		Ab màger viet de nulh ase en despan ;
	10	E fotrai vos de tal arandonada
		Que los linçòls tergeretz l'endeman
		E pos diretz qu'òps i es la bugada ;
		Ni mais no'm lèu ni [mais] mei colhon gran
		Se tant no'us fot que vos jairetz pasmada.
III	15	Pois tant m'avètz de fotre menaçada,
		Saber volria, Sénher, vostre van,
		Car eu ai gent la mia pòrta armada
		Per ben sofrir los còlps del colhon gran ;
		Après començarai tal repenada
	20	Que no'us poiretz tener als crins denan,
		Ans de darrèr vos èr òps far tornada.
IV		Sapchatz, Midòns, que tot aiçò m'agrada :
		Sol que sïam ensems a l'endeman,
		Mon viet darà en vòstra pòrta armada ;
	25	Adoncs conoisseretz s'eu sui truan,
		Qu'eu vos farai lançar per la culada
		Tals petz que son de còrn vos semblaràn
		Et ab tal son fairetz aital balada.